(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

॥ శ్రీః ॥
13.254. అధ్యాయః 254
అథ దానధర్మపర్వ ॥ 1 ॥
Mahabharata - Anushaasana Parva - Chapter Topics
భీష్మేణ యుధిష్ఠిరంప్రతి శ్రీవిష్ణుసహస్రనామకథనం॥ 1 ॥
Mahabharata - Anushaasana Parva - Chapter Text

వైశంపాయన ఉవాచ।

శ్రుత్వా ధర్మానశేషేణ పావనాని చ సర్వశః।
యుధిష్ఠిరః శాంతనవం పునరేవాభ్యభాషత॥ 13-254-1(91502)
కిమేకం దైవతం లోకే కిం వాఽప్యేకం పరాయణం।
స్తువంతః కం కర్మర్చంతః ప్రాప్నుయుర్మానవాః శుభం॥ 13-254-2(91503)
కో ధర్మః సర్వధర్మాణాం భవతః పరమో మతః।
కిం జపన్ముచ్యతే జంతుర్జన్మసంసారబంధనాత్॥ 13-254-3(91504)
భీష్మ ఉవాచ। 13-254-4x(7686)
జగత్ప్రభుం దేవదేవమనంతం పురుషోత్తమం।
స్తువన్నామసహస్రేణ పురుషః సతతోత్థితః॥ 13-254-4(91505)
తమేవ చార్చయన్నిత్యం భక్త్యా పురుషమవ్యయం।
ధ్యాయన్స్తువన్నమస్యంశ్చ యజమానస్తమేవ చ॥ 13-254-5(91506)
అనాదినిధనం విష్ణుం సర్వలోకమహేశ్వరం।
లోకాధ్యక్షం స్తువన్నిత్యం సర్వదుఃకాతిగో భవేత్॥ 13-254-6(91507)
బ్రహ్మణ్యం సర్వధర్మజ్ఞం లోకానాం కీర్తివర్ధనం।
లోకనాథం మహద్భూతం సర్వబూతభవోద్భవం॥ 13-254-7(91508)
ఏష మే సర్వధర్మాణాం ధర్మోఽధికతమో మతః।
యద్భక్త్యా పుండరీకాక్షం స్తవైరర్చేన్నరః సదా॥ 13-254-8(91509)
పరమం యో మహత్తేజః పరమం యో మహత్తపః।
పరమం యో మహద్బ్రహ్మ పరమం యః పరాయణం॥ 13-254-9(91510)
పవిత్రాణాం పవిత్రం యో మంగలానాం చ మంగలం।
దైవతం దేవతానాం చ భూతానాం యోఽవ్యయః పితా॥ 13-254-10(91511)
యతః సర్వాణి భూతాని భవంత్యాదియుగాగమే।
యస్మింశ్చ ప్రలయం యాంతి పునరేవ యుగక్షయే॥ 13-254-11(91512)
తస్య లోకప్రధానస్య జగన్నాథస్య భూపతే।
విష్ణోర్నామసహస్రం మే శృణు పాపభయాపహం॥ 13-254-12(91513)
యాని నామాని గౌణాని విఖ్యాతాని మహాత్మనః।
ఋషిభిః పరిగీతాని తాని వక్ష్యామి భూతయే॥ 13-254-13(91514)
`ఋషిర్నాంనాం సహస్రస్య దేవవ్యాసో మహామునిః।
ఛందోనుష్టుప్తథా దేవో భగవాందేవకీసుతః॥ 13-254-14(91515)
అముతాంశూద్భవో బీజం శక్తిర్దేవకినందనః।
త్రిసామ హృదయం తస్య శాంత్యర్థే వినియుజ్యతే॥' 13-254-15(91516)
ఓం విశ్వం విష్ణుర్వషట్కారో భూతభవ్యభవత్ప్రభుః।
భూతకృద్భూతభృద్భావో భూతాత్మా భూతభావనః॥ 13-254-16(91517)
పూతాత్మా పరమాత్మా చ ముక్తానాం పరమా గతిః।
అవ్యయః పురుషః సాక్షీ క్షేత్రజ్ఞోఽక్షర ఏవ చ॥ 13-254-17(91518)
యోగో యోగవిదాంనేతా ప్రధానపురుషేశ్వరః।
నరసింహవపుః శ్రీమాన్కేశవః పురుషోత్తమః॥ 13-254-18(91519)
సర్వః శర్వః శివః స్థాణుర్భూతాదిర్నిధిరవ్యయః।
సంభవో భావనో భర్తా ప్రభవః ప్రభురీశ్వరః॥ 13-254-19(91520)
స్వయంభూః శంభురాదిత్యః పుష్కరాక్షో మహాస్వనః।
అనాదినిధనో ధాతా విధాతా ధాతురుత్తమః॥ 13-254-20(91521)
అప్రమేయో హృషీకేశః పద్మనాభోఽమరప్రభుః।
విశ్వకర్మా మనుస్త్వష్టా స్థవిష్ఠః స్థవిరో ధ్రువః॥ 13-254-21(91522)
అగ్రాహ్యః శాశ్వతః కృష్ణో లోహితాక్షః ప్రతర్దనః।
ప్రభూతస్త్రికకుద్ధామ పవిత్రం మంగలం పరం॥ 13-254-22(91523)
ఈశానః ప్రాణదః ప్రాణో జ్యేష్ఠః శ్రేష్ఠః ప్రజాపతిః।
హిరణ్యగర్భో భూగర్భో మాఘవో మధుసూదనః॥ 13-254-23(91524)
ఈశ్వరో విక్రమీ ధన్వీ మేధావీ విక్రమః క్రమః।
అనుత్తమో దురాధర్షః కృతజ్ఞః కృతిరాత్మవాన్॥ 13-254-24(91525)
సురేశః శరణం శర్మ విశ్వరేతాః ప్రజాభవః।
అహః సంవత్సరో వ్యాలః ప్రత్యయః సర్వదర్శనః॥ 13-254-25(91526)
అజః సర్వేశ్వరః సిద్ధః సిద్ధిః సర్వాదిరచ్యుతః।
వృషాకపిరమేయాత్మా సర్వయోగవినిఃసృతః॥ 13-254-26(91527)
వసుర్వసుమనాః సత్యః సమాత్మా సంమితః సమః।
అమోఘః పుండరీకాక్షో వృషకర్మా వృషాకృతిః॥ 13-254-27(91528)
రుద్రో బహుశిరా బభ్రుర్విశ్వయోనిః శుచిశ్రవాః।
అమృతః శాశ్వతః స్థాపుర్వరారోహో మహాతపాః॥ 13-254-28(91529)
సర్వగః సర్వవిద్భానుర్విష్వక్సేనో జనార్దనః।
వేదో వేదవిదవ్యంగో వేదాంగో వేదవిత్కవిః॥ 13-254-29(91530)
లోకాధ్యక్షః సురాధ్యక్షో ధర్మాధ్యక్షః కృతాకృతః।
చతురాత్మా చతుర్వ్యూహశ్చతుర్దంష్ట్రశ్చతుర్భుజః॥ 13-254-30(91531)
భ్రాజిష్ణుర్భోజనం భోక్తా సహిష్ణుర్జగదాదిజః।
అనఘో విజయో జేతా విశ్వయోనిః పునర్వసు॥ 13-254-31(91532)
ఉపేంద్రో వామనః ప్రాంశురమోఘః శుచిరూర్జితః।
అతీంద్రః సంగ్రహః సర్గో ధృతాత్మా నియమోయమః॥ 13-254-32(91533)
వేద్యో వైద్యః సదాయోగీ వీరహా మాధవో మధుః।
అతీంద్రియో మహామాయో మహోత్సాహో మహాబలః॥ 13-254-33(91534)
మహాబుద్ధిర్మహావీర్యో మహాశక్తిర్మహాద్యుతిః।
అనిర్దేశ్యవపుః శ్రీమానమేయాత్మా మహాద్రిధృక్॥ 13-254-34(91535)
మహేష్వాసో మహీభర్తా శ్రీనివాసః సతాంగతిః।
అనిరుద్ధః సురానందో గోవిందో గోవిదాంపతిః॥ 13-254-35(91536)
మరీచిర్దమనో హంసః సుపర్ణో భుజగోత్తమః।
హిరణ్యనాభః సుతపాః పద్మనాభః ప్రజాపతిః॥ 13-254-36(91537)
అమృత్యుః సర్వదృక్సింహః సంధాతా సంధిమాన్స్థిరః।
అజో దుర్మర్షణః శాస్తా విశ్రుతాత్మా సురారిహా॥ 13-254-37(91538)
గురుర్గరుతమో ధామ సత్యః సత్యపరాక్రమః।
నిమిషోఽనిమిషః స్రగ్వీ వాచస్పతిరుదారధీః॥ 13-254-38(91539)
అగ్రణీర్గ్రామణీః శ్రీమాన్న్యాయో నేతా సమీరణః।
సహస్రమూర్ధా విశ్వాత్మా సహస్రాక్షః సహస్రపాత్॥ 13-254-39(91540)
ఆవర్తనో నివృత్తాత్మా సంవృతః సంప్రమర్దనః।
అహః సంవర్తకో వహ్నిరనిలో ధరణీధరః॥ 13-254-40(91541)
సుప్రసాదః ప్రసన్నాత్మా విశ్వదృగ్విశ్వభుగ్విభుః।
సత్కర్తా సత్కృతిః సాధుర్జహ్నుర్నారాయణో నరః॥ 13-254-41(91542)
అసంఖ్యేయోప్రమేయాత్మా విశిష్టః శిష్టకృచ్ఛుచిః।
సిద్ధార్థః సిద్ధసంకల్పః సిద్ధిదః సిద్ధిసాధనః॥ 13-254-42(91543)
వృషాహిర్వృషభో విష్ణుర్వృషపర్వా వృషోదరః।
వర్ధనో వర్ధమానశ్చ వివిక్తః శ్రుతిసాగరః॥ 13-254-43(91544)
సుభుజో దుర్ధరో వాగ్మీ మహేంద్రో వసుదో వసుః।
నైకరూపో బృహద్రూపః శిపివిష్టః ప్రకాశనః॥ 13-254-44(91545)
ఓజస్తేజోద్యుతిధరః ప్రకాశాత్మా ప్రతాపనః।
ఋద్ధః స్పృష్టాక్షరో మంత్రశ్చంద్రాంశుర్భాస్కరద్యుతిః॥ 13-254-45(91546)
అమృతాంశూద్భవో భానుః శశబిందుః సురేశ్వరః।
ఔషధం జగతః సేతుః సత్యధర్మపరాక్రమః॥ 13-254-46(91547)
భూతభవ్యభవన్నాథః పవనః పావనోఽనలః।
కామహా కామకృత్కాంతః కామః కామప్రదః ప్రభుః॥ 13-254-47(91548)
యుగాదికృద్యుగావర్తో నైకమాయో మహాశనః।
అదృశ్యో వ్యక్తరూపశ్చ సహస్రజిదనంతజిత్॥ 13-254-48(91549)
ఇష్టో విశిష్టః శిష్టేష్ట శిఖండీ నహుషో వృషః।
క్రోధహా క్రోధకృత్కర్తా విశ్వబాహుర్మహీధరః॥ 13-254-49(91550)
అచ్యుతః ప్రథితః ప్రాణః ప్రాణదో వాసవానుజః।
అపాంనిధిరధిష్ఠానమప్రమత్తః ప్రతిష్ఠితః॥ 13-254-50(91551)
స్కందః స్కందధరో ధుర్యో వరదో వాయువాహనః।
వాసుదేవో బృహద్భానురాదిదేవః పురందరః॥ 13-254-51(91552)
అశోకస్తారణస్తారః శూరః శౌరిర్జనేశ్వరః।
అనుకూలః శతావర్తః పద్మీ పద్మనిభేక్షణః॥ 13-254-52(91553)
పద్మనాబోఽరవిందాక్షః పద్మగర్భః శరీరభృత్।
మహర్ద్ధిర్ఋద్ధో వృద్ధాత్మా మహాక్షో గరుడధ్వక్షః॥ 13-254-53(91554)
అతులః శరభో భీమః సమయజ్ఞో హవిర్హరిః।
సర్వలక్షణలక్షణ్యో లక్ష్మీవాన్సమితింజయః॥ 13-254-54(91555)
విక్షరో రోహితో మార్గో హేతుర్దామోదరః సహః।
మహీధరో మహాభాగో వేగవానమితాశనః॥ 13-254-55(91556)
ఉద్భవః క్షోభణో దేవః శ్రీగర్భః పరమేశ్వరః।
కరణం కారణం కర్తా వికర్తా గహనో గుహః॥ 13-254-56(91557)
వ్యవసాయో వ్యవస్థానః సంస్థానః స్థానదో ధ్రువః।
పరర్ద్ధిః పరమస్పష్టస్తుష్టః పుష్టః శుభేక్షణః॥ 13-254-57(91558)
రామో విరామో విరజో మార్గో నేయో నయోఽనయః।
వీరః శక్తిమతాంశ్రేష్ఠో ధర్మో ధర్మవిదుత్తమః॥ 13-254-58(91559)
వైకుంఠః పురుషః ప్రాణః ప్రాణదః ప్రణవః పృథుః।
హిరణ్యగర్భః శత్రుఘ్నో వ్యాప్తో వాయురధోక్షజః॥ 13-254-59(91560)
ఋతుః సుదర్శనః కాలః పరమేష్ఠీ పరిగ్రహః।
ఉగ్రః సంవత్సరో దక్షో విశ్రామో విశ్వదక్షిణః॥ 13-254-60(91561)
విస్తారః స్థావరః స్థాణుః ప్రమాణం బీజమవ్యయం।
అర్థోఽనర్థో మహాకోశో మహాభోగో మహాధనః॥ 13-254-61(91562)
అనిర్విణ్ణః స్థవిష్ఠో భూర్ధర్మయూపో మహామఖః।
నక్షత్రనేమిర్నక్షత్రీ క్షమః క్షామః సమీహనః॥ 13-254-62(91563)
యజ్ఞ ఇజ్యో మహేజ్యశ్చ క్రతుః సత్రం సతాంగతిః।
సర్వదర్శీ వముక్తాత్మా సర్వజ్ఞో జ్ఞానముత్తమం॥ 13-254-63(91564)
సువ్రతః సుముఖః సూక్ష్మః సుఘోషః సుఖదః సుహృత్।
మనోహరో జితక్రోధో వీరబాహుర్విదారణః॥ 13-254-64(91565)
స్వాపనః స్వవశో వ్యాపీ నైకాత్మా నైకకర్మకృత్।
వత్సరో వత్సలో వత్సీ రత్నగర్భో ధనేశ్వరః॥ 13-254-65(91566)
ధర్మగుబ్ధర్మకృద్ధర్మీ సదసత్క్షరమక్షరం।
అవిజ్ఞాతా సహస్రాంశుర్విధాతా కృతలక్షణః॥ 13-254-66(91567)
గభస్తినేమిః సత్వస్థః సింహో భూతమహేశ్వరః।
ఆదిదేవో మహాదేవో దేవేశో దేవభృద్గురుః॥ 13-254-67(91568)
ఉత్తరో గోపతిర్గోప్తా జ్ఞానగంయః పురాతనః।
శరీరీ భూతభృద్భోక్తా కపీంద్రో భూరిదక్షిణః॥ 13-254-68(91569)
సోమపోఽమృతపః సోమః పురుజిత్పురుసత్తమః।
వినయోజ్యః సత్యసంధో దాశార్హః సాత్వతాంపతిః॥ 13-254-69(91570)
జీవో వినయితా సాక్షీ ముకుందోఽమితవిక్రమః।
అంభోనిధిరనంతాత్మా మహోదధిశయోఽంతకః॥ 13-254-70(91571)
అజో మహార్హః స్వాభావ్యో జితామిత్రః ప్రమోదనః।
ఆనందో నందనో నందః సత్యధర్మా త్రివిక్రమః॥ 13-254-71(91572)
మహర్షిః కపిలాచార్య కృతజ్ఞో మేదినీపతిః।
త్రిపదస్త్రిదశాధ్యక్షో మహాశృంగః కృతాంతకృత్॥ 13-254-72(91573)
మహావరాహో గోవిందః సుషేణః కనకాంగదీ।
గుహ్యో గభీరో గహనో గుప్తశ్చక్రగదాధరః॥ 13-254-73(91574)
వేధాః స్వాంగోఽజితః కృష్ణో దృఢః సంకర్షణోచ్యుతః।
వరుణో వారుణో వృక్షః పుష్కరాక్షో మహామనాః॥ 13-254-74(91575)
భగవాన్భగహా నందీ వనమాలీ హలాయుధః।
ఆదిత్యో జ్యోతిరాదిత్యః సహిష్ణుర్గతిసత్తమః॥ 13-254-75(91576)
సుధన్వా ఖండపరశుర్దారుణో ద్రవిణప్రదః।
దివస్పృక్సర్వదృగ్వ్యాసో వాచస్పతిరయోనిజః॥ 13-254-76(91577)
త్రిసామా సామగః సామ నిర్వాణం భేషజం భిషక్।
సంన్యాసకృచ్ఛమః శాంతో నిష్ఠా శాంతిః పరాయణం॥ 13-254-77(91578)
శుభాంగః శాంతిదః స్రష్టా కుముదః కువలేశయః।
గోహితో గోపతిర్గోప్తా వృషభాక్షో వృషప్రియః॥ 13-254-78(91579)
అనివర్తీ నివృత్తాత్మా సంక్షేప్తా క్షేమకృచ్ఛివః।
శ్రీవత్సవక్షాః శ్రీవాసః శ్రీపతిః శ్రీమతాంవరః॥ 13-254-79(91580)
శ్రీదః శ్రీశః శ్రీనివాసః శ్రీనిధిః శ్రీవిభావనః।
శ్రీధరః శ్రీకరః శ్రేయః శ్రీమాఁల్లోకత్రయాశ్రయః॥ 13-254-80(91581)
స్వక్షః స్వంగః శతానందో నందిర్జ్యోతిర్గణేశ్వరః।
విజితాత్మా విధేయాత్మా సత్కీర్తిశ్ఛిన్నసంశయః॥ 13-254-81(91582)
ఉదీర్ణః సర్వతశ్చక్షురనీశః శాశ్వతః స్థిరః।
భూశయో భూషణో భూతిర్విశోకః శోకనాశనః॥ 13-254-82(91583)
అర్చిష్మానర్చితః కుంభో విశుద్ధాత్మా విశోధనః।
అనిరుద్ధోఽప్రతిరథః ప్రద్యుంనోఽమితవిక్రమః॥ 13-254-83(91584)
కాలనేమినిహా వీరః శౌరిః సూరజనేశ్వరః।
త్రిలోకాత్మా త్రిలోకేశః కేశవః కేశిహా హరిః॥ 13-254-84(91585)
కామదేవః కామపాలః కామీ కాంతః కృతాగమః।
అనిర్దేశ్యవపుర్విష్ణుర్వీరోఽనంతో ధనంజయః॥ 13-254-85(91586)
బ్రహ్మణ్యో బ్రహ్మకృద్బ్రహ్మా బ్రహ్మ బ్రహ్మవివర్ధనః।
బ్రహ్మవిద్బ్రాహ్మణో బ్రహ్మీ బ్రహ్మజ్ఞో బ్రాహ్మణప్రియః॥ 13-254-86(91587)
మహాక్రమో మహాకర్మా మహాతేజా మహోరగః।
మహాక్రతుర్మహాయజ్వా మహాయజ్ఞో మహాహవిః॥ 13-254-87(91588)
స్తవ్యః స్తవప్రియః స్తోత్రం స్తుతిఃస్తోతా రణప్రియః।
పూర్ణః పూరయితా పుణ్యః పుణ్యకీర్తిరనామయః॥ 13-254-88(91589)
మనోజవస్తీర్థకరో వసురేతా వసుప్రదః।
వసుప్రదో వాసుదేవో వసుర్వసుమనా హవిః॥ 13-254-89(91590)
సద్గతిః సత్కృతిః సత్తా సద్భూతిః సత్పరాయణః।
శూరసేనో యదుశ్రేష్ఠః సన్నివాసః సుయామునః॥ 13-254-90(91591)
భూతావాసో వాసుదేవః సర్వాసునిలయోఽనలః।
దర్పహా దర్పహో దృప్తో దుర్ధరోఽద్ధాఽపరాజితః॥ 13-254-91(91592)
విశ్వమూర్తిర్మహమూర్తిర్దీప్తమూర్తిరమూర్తిమాన్।
అనేకమూర్తిరవ్యక్తః శతమూర్తిః శతాననః॥ 13-254-92(91593)
ఏకో నైకః సవః కః కిం యత్తత్పదమనుత్తమం।
లోకబంధుర్లోకనాథో మాధవో భక్తవత్సలః॥ 13-254-93(91594)
సువర్ణవర్ణో హేమాంగో వరాంగశ్చందనాంగదీ।
వీరహా విషమః శూన్యో ఘృతాశీరచలశ్చలః॥ 13-254-94(91595)
అమానీ మానదో మాన్యో లోకస్వామీ త్రిలోకధృత్।
సుమేధా మేఘజో ధన్యః సత్యమేధా ధరాధరః॥ 13-254-95(91596)
తేజో వృషో ద్యుతిధరః సర్వశస్త్రభృతాంవరః।
ప్రగ్రహో నిగ్రహో వ్యగ్రో నైకశృంగో గదాగ్రజః॥ 13-254-96(91597)
చతుర్మూర్తిశ్చతుర్బాహుశ్చతుర్వ్యూహశ్చతుర్గతిః।
చతురాత్మా చతుర్భావశ్చతుర్వదవిదేకపాత్॥ 13-254-97(91598)
సమావర్తో నివృత్తాత్మా దుర్జయో దురతిక్రమః।
దుర్లభో దుర్గమో దుర్గో దురావాసో దురారిహా॥ 13-254-98(91599)
శుభాంగో లోకసారంగః సుతంతుస్తంతువర్ధనః।
ఇంద్రకర్మా మహాకర్మా కృతకర్మా కృతాగమః॥ 13-254-99(91600)
ఉద్భవః సుందరః సుందో రత్ననాభః సులోచనః।
అర్కో వాజసనః శృంగీ జయంతః సర్వవిజ్జయీ॥ 13-254-100(91601)
సువర్ణిబిందురక్షోభ్యః సర్వవాగీశ్వరేశ్వరః।
మహాహ్రదో మహాగర్తో మహాభూతో మహానిధిః॥ 13-254-101(91602)
కుముదః కుందరః కుందః పర్జన్యః పవనోఽనిలః।
అమృతాంశోఽమృతవపుః సర్వజ్ఞః సర్వతోముఖః॥ 13-254-102(91603)
సులభః సువ్రతః సిద్ధః శత్రుజిచ్ఛత్రుతాపనః।
న్యగ్రోధోదుంబరోశ్వత్థశ్చాపూరాంధ్రనిషూదనః॥ 13-254-103(91604)
సహస్రార్చిః సప్తజిహ్వః సప్తైధాః సప్తవాహనః।
అమూర్తిరనఘోఽచింత్యో భయకృద్భయనాశనః॥ 13-254-104(91605)
అణుర్బృహత్కృశః స్థూలో గుణభృన్నర్గుణో మహాన్।
అధృతః స్వధృతః స్వాస్థ్యః ప్రాగ్వంశో వంశవర్ధనః॥ 13-254-105(91606)
భారభృత్కథితో యోగీ యోగీశః సర్వకామదః।
ఆశ్రమః శ్రమణః క్షామః సుపర్ణో వాయువాహనః॥ 13-254-106(91607)
ధనుర్ధరో ధనుర్వేదో దండో దమయితా దమః।
అపరాజితః సర్వసహో నియంతా నియమో యమః॥ 13-254-107(91608)
సత్వవాన్సాత్వికః సత్యః సత్యధర్మపరాయణః।
అభిప్రాయః ప్రియార్హోఽర్హఃఋ ప్రియకృత్ప్రీతివర్ధనః॥ 13-254-108(91609)
విహాయసగతిర్జ్యోతిః సురుచిర్హుతభుగ్విభుః।
రవిర్విరోచనః సూర్యః సవితా రవిలోచనః॥ 13-254-109(91610)
అంతో హుతభుగ్భోక్తా సుఖదో నైకదోఽగ్రజః।
అనిర్విణ్ణః సదామర్షీ లోకాధిష్ఠానమద్భుతః॥ 13-254-110(91611)
సనాత్సనాతనతమః కపిలః కపిరప్యయః।
స్వస్తిదః స్వస్తికృత్స్వస్తి స్వస్తిభుక్ స్వస్తిదక్షిణః॥ 13-254-111(91612)
అరౌద్రః కుండలీ చక్రీ విక్రంయూర్జితశాసనః।
శబ్దాతిగః శబ్దసహః శిశిరః శర్వరీకరః॥ 13-254-112(91613)
అక్రూరః పేశలో దక్షో దక్షిణః క్షమిణాంవరః।
విద్వత్తమో వీతభయః పుణ్యశ్రవణకీర్తనః॥ 13-254-113(91614)
ఉత్తారణో దుష్కృతిహా పుణ్యో దుఃఖప్ననాశనః।
వీరహా రక్షణః సంతో జీవనః పర్యవస్థితః॥ 13-254-114(91615)
అనంతరూపోఽనంతశ్రీర్జితమన్యుర్భయాపహః।
చతురస్రో గభీరాత్మా విదిశో వ్యాదిశో దిశః॥ 13-254-115(91616)
అనాదిర్భూర్భువో లక్ష్మీః సువీరో రుచిరాంగదః।
జననో జనజన్మాదిర్భీమో భీమపరాక్రమః॥ 13-254-116(91617)
ఆధారనిలయో ధాతా పుష్పహాసః ప్రజాగరః।
ఊర్ధ్వగః సత్పథాచారః ప్రాణదః ప్రణవః పణః॥ 13-254-117(91618)
ప్రమాణం ప్రాణనిలయః ప్రాణభృత్ప్రాణజీవనః।
తత్త్వం తత్త్వవిదేకాత్మా జన్మమృత్యుజరాతిగః॥ 13-254-118(91619)
భూర్భువఃస్వస్తరుస్తారః సవితా ప్రపితామహః।
యజ్ఞో యజ్ఞపతిర్యజ్వా యజ్ఞాంగో యజ్ఞవాహనః॥ 13-254-119(91620)
యజ్ఞభృద్యజ్ఞకృద్యజ్ఞీ యజ్ఞభుగ్యజ్ఞసాధనః।
యజ్ఞాంతకృద్యజ్ఞగుహ్యమన్నమన్నాద ఏవ చ॥ 13-254-120(91621)
ఆత్మయోనిః స్వయంజాతో వైఖానః సామగాయనః।
దేవకీనందనః స్రష్టా క్షితీశః పాపనాశనః॥ 13-254-121(91622)
శంఖభృన్నందకీ చక్రీ శార్ంగధన్వా గదాధరః।
రథాంగపాణిరక్షోభ్యః సర్వప్రహరణాయుధః।
సర్వప్రహారణాయుధ ఓంనమ ఇతి॥ 13-254-122(91623)
ఇతీదం కీర్తనీయస్యి కేశవస్య మహాత్మనః।
నాంనాం సహస్రం దివ్యానామశేషేణ ప్రకీర్తితం॥ 13-254-123(91624)
య ఇదం శృణుయాన్నిత్యం యశ్చాపి పరికీర్తయేత్।
నాశుభం ప్రాప్నుయాత్కించిత్సోముత్రేహ చ మానవః॥ 13-254-124(91625)
వేదాంతో బ్రాహ్మణః స్యాత్క్షత్రియో విజయీ భవేత్।
వైశ్యో ధనసమృద్ధః స్యాచ్ఛూద్రః సుఖమవాప్నుయాత్॥ 13-254-125(91626)
ధర్మార్థీ ప్రాప్నుయాద్ధర్మమర్థార్థీ చార్థమాప్నుయాత్।
కామానవాప్నుయాత్కామీ ప్రజార్థీ ప్రాప్నుయాత్ప్రజాం॥ 13-254-126(91627)
భక్తిమాన్యః సదోత్థాయ శుచిస్తద్గతమానసః।
సహస్రం వాసుదేవస్య నాంనాతేమత్ప్రకీర్తయేత్॥ 13-254-127(91628)
యశః ప్రాప్నోతి విపులం జ్ఞాతిప్రాధాన్యమేవ చ।
అచలాం శ్రియమాప్నోతి శ్రేయః ప్రాప్నోత్యనుత్తమం॥ 13-254-128(91629)
న భయం క్వచిదాప్నోతి వీర్యం తేజశ్చ విందతి।
భవత్యయోగో ద్యుతిమాన్బలరూపగుణాన్వితః॥ 13-254-129(91630)
రోగార్తో ముచ్యతే రోగాద్బద్ధో ముచ్యేత బంధనాత్।
భయాన్ముచ్యేత భీతస్తు ముచ్యేదాపన్న ఆపదః॥ 13-254-130(91631)
దుర్గాణ్యతితరత్యాశు పురుషః పురుషోత్తమం।
స్తువన్నామసహస్రేణ నిత్యం భక్తిసమన్వితః॥ 13-254-131(91632)
వాసుదేవాశ్రయో మర్త్యో వాసుదేవపరాయణః।
సర్వపాపవిశుద్ధాత్మా యాతి బ్రహ్మ సనాతనం॥ 13-254-132(91633)
న వాసుదేవభక్తానామశుభం విద్యతే క్వచిత్।
జన్మమృత్యుజరావ్యాధిభయం నైవోపజాయతే॥ 13-254-133(91634)
ఇమం స్తవమధీయానః శ్రద్ధాభక్తిసమన్వితః।
యుజ్యేతాత్మసుఖక్షాంతిశ్రీధృతిస్మృతికీర్తిభిః॥ 13-254-134(91635)
న క్రోధో న చ మాత్సర్యం న లోభో నాశుభా మతిః।
భంతి కృతపుణ్యానాం భక్తానాం పురుషోత్తమే॥ 13-254-135(91636)
ద్యౌః సచంద్రార్కనక్షత్రా ఖం దిశో భూర్మహోదధిః।
వాసుదేవస్య వీర్యేణ విధృతాని మహాత్మనః॥ 13-254-136(91637)
ససురాసురగంధర్వం సయక్షోరగరాక్షసం।
జగద్వశే వర్తతేదం కృష్ణస్య సచరాచరం॥ 13-254-137(91638)
ఇంద్రియాణి మనో బుద్ధిః సత్వం తేజో బలం ధృతిః।
వాసుదేవాత్మకాన్యాహుః క్షేత్రం క్షేత్రజ్ఞ ఏవ చ॥ 13-254-138(91639)
సర్వాగమానామాచారః ప్రథమం పరికల్ప్యతే।
ఆచారప్రభవో ధర్మో ధర్మస్య ప్రభురచ్యుతః॥ 13-254-139(91640)
ఋషయః పితరో దేవా మహాభూతాని ధాతవః।
జంగమాజంగమం చేదం జగన్నారయణోద్భవం॥ 13-254-140(91641)
యోగో జ్ఞానం తథా సాంఖ్యం విద్యాః శిల్పాదికర్మ చ।
వేదాః సాస్త్రాణి విజ్ఞానమేతత్సర్వం జనార్దనాత్॥ 13-254-141(91642)
ఏకో విష్ణుర్మహద్భూతం పృథగ్భూతాన్యనేకశః।
త్రీంల్లోకాన్వ్యాప్య భూతాత్మా భుంక్తే విశ్వభుగవ్యయః॥ 13-254-142(91643)
ఇమం స్తవం భగవతో విష్ణోర్వ్యాసేన కీర్తితం।
పఠేద్య ఇచ్ఛేత్పురుషః శ్రేయః ప్రాప్తుం సుఖాని చ॥ 13-254-143(91644)
విశ్వేశ్వరమజం దేవం జగతః ప్రభవాప్యయం।
భజంతి యే పుష్కరాక్షం న తే యాంతి పరాభవం।
`న తే యాంతి పరాభవం ఓం నమ ఇతి॥ 13-254-144(91645)
అర్జున ఉవాచ। 13-254-145x(7687)
పద్మపత్రవిశాలక్ష పద్మనాభ సురోత్తమ।
భక్తానామనురక్తానాం త్రాతా భవ జనార్దన॥ 13-254-145(91646)
భగవానువాచ। 13-254-146x(7688)
యో మాం నామసహస్రేణ స్తోతుమిచ్ఛతి పాండవ।
సోహమేకేన శ్లోకేన స్తుత ఏవ న సంశయః।
స్తుత ఏవ న సంశయ ఓం నమ ఇతి॥ 13-254-146(91647)
వాసనాద్వాసుదేవః స్యా వాసితం తే జగత్త్రయం।
సర్వభూతనివాసోసి వాసుదేవ్ నమోస్తు తే॥ 13-254-147(91648)
13-254-148(91649)
నమోస్త్వనంతాయ సహస్రమూర్తయే
సహస్రపాదాక్షిశిరోరుబాహవే।
సహస్రనాంనే పురుషాయ శాశ్వతే
సహస్రకోటియుగధారిణే నమః।
శ్రీసహస్రకోటియుగధారిణే నమ ఇతి॥'
Mahabharata - Anushaasana Parva - Chapter Footnotes

7-254-41 విశ్వధృగితి ఝ.పాఠ. సత్కృతః సాధురితి చ॥ 7-254-58 విరమో విరమః ఇతి క.పాఠః,విరతః ఇతి థ.పాఠః॥ 7-254-64 సుఘోషః సుహృదః సుహృదితి క.థ.పాఠః॥ 7-254-68 శరీరభూతభృద్భోక్తేతి క.ఙ.ఝ.థ.పాఠః॥ 7-254-69 వినయో జయః సత్యసంధః ఇతి క.ఙ.ఝ.పాఠః॥ 7-254-74 కాలనేమినిహా శౌరిర్వీరః శూరజనేశ్వరః ఇతి క.పాఠః। కాలనేమినిహా వీరః శూరః శౌరిర్జనేశ్వరః ఇతి థ.పాఠః॥ 7-254-100 అర్కో వాజసనిః శృంగీ ఇతి థ.పాఠః॥ 7-254-102 అమృతాశోఽమృతవపురితి ఝ.థ.పాఠః॥ 7-254-110 అనంతహుతభుగ్భోక్తేతి క.థ.పాఠః॥ 7-254-119 సపితా ప్రపితామహః ఇతి ఝ.పాఠ॥ 7-254-128 విపులం యాతి ప్రాధాన్యమేవ చేతి క.పాఠః॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.